Lara Dutta ਨੇ ਵੱਡਾ ਖੁਲਾਸਾ ਕਰਦਿਆਂ ਦੱਸਿਆ ਕਿ ਫਿਲਮ Housefull ਦੀ ਸ਼ੂਟਿੰਗ ਦੌਰਾਨ Deepika Padukone ਮਲੇਰੀਆ ਵਰਗੀ ਗੰਭੀਰ ਬਿਮਾਰੀ ਨਾਲ ਜੂਝ ਰਹੀ ਸੀ, ਪਰ ਇਸ ਦੇ ਬਾਵਜੂਦ ਉਹਨਾਂ ਨੇ ਆਪਣੇ ਕੰਮ ਵਿੱਚ ਕੋਈ ਕਮੀ ਨਹੀਂ ਆਉਣ ਦਿੱਤੀ।
ਲਾਰਾ ਦੱਤਾ ਦੇ ਮੁਤਾਬਕ, ਦੀਪਿਕਾ ਦੀ ਤਬੀਅਤ ਕਾਫੀ ਖਰਾਬ ਸੀ। ਉਹਨਾਂ ਨੂੰ ਤੇਜ਼ ਬੁਖਾਰ ਰਹਿੰਦਾ ਸੀ, ਕੰਬਣ ਲੱਗਦੀ ਸੀ ਅਤੇ ਉਹ ਬਹੁਤ ਜ਼ਿਆਦਾ ਕਮਜ਼ੋਰ ਹੋ ਗਈਆਂ ਸਨ। ਉਹਨਾਂ ਨੂੰ ਡਾਕਟਰ ਦੀ ਸਲਾਹ ਅਤੇ ਦਵਾਈਆਂ ਲੈਣੀਆਂ ਪੈਂਦੀਆਂ ਸਨ, ਫਿਰ ਵੀ ਉਹ ਹਰ ਰੋਜ਼ ਸੈੱਟ ‘ਤੇ ਪਹੁੰਚਦੀਆਂ ਸਨ।
ਉਹਨਾਂ ਦੱਸਿਆ ਕਿ ਰਾਤ ਭਰ ਬਿਮਾਰੀ ਨਾਲ ਜੂਝਣ ਦੇ ਬਾਵਜੂਦ ਦੀਪਿਕਾ ਸਵੇਰੇ ਸ਼ੂਟਿੰਗ ਲਈ ਤਿਆਰ ਹੋ ਕੇ ਆਉਂਦੀਆਂ ਅਤੇ ਆਪਣੇ ਸੀਨ ਪੂਰੀ ਲਗਨ ਅਤੇ ਪ੍ਰੋਫੈਸ਼ਨਲ ਢੰਗ ਨਾਲ ਕਰਦੀਆਂ। ਖਾਸ ਕਰਕੇ ਇਮੋਸ਼ਨਲ ਸੀਨਾਂ ਦੌਰਾਨ ਉਹਨਾਂ ਦੀ ਥਕਾਵਟ ਦਿਖਾਈ ਦਿੰਦੀ ਸੀ, ਪਰ ਪਰਫਾਰਮੈਂਸ ‘ਚ ਕਦੇ ਵੀ ਕਮੀ ਨਹੀਂ ਆਈ।
ਲਾਰਾ ਦੱਤਾ ਨੇ ਕਿਹਾ ਕਿ ਇੱਕ ਅਦਾਕਾਰ ਵਜੋਂ ਉਹ ਸਮਝ ਸਕਦੀ ਹੈ ਕਿ ਮਲੇਰੀਆ ਵਰਗੀ ਬਿਮਾਰੀ ਵਿੱਚ ਕੰਮ ਕਰਨਾ ਕਿੰਨਾ ਔਖਾ ਹੁੰਦਾ ਹੈ। ਫਿਰ ਵੀ ਦੀਪਿਕਾ ਨੇ ਜਿਹੜੀ ਹਿੰਮਤ ਅਤੇ ਸਮਰਪਣ ਦਿਖਾਇਆ, ਉਹ ਕਾਬਿਲ-ਏ-ਤਾਰੀਫ਼ ਹੈ।
ਇਹ ਖੁਲਾਸਾ ਇੱਕ ਵਾਰ ਫਿਰ ਦਰਸਾਉਂਦਾ ਹੈ ਕਿ ਦੀਪਿਕਾ ਪਾਦੁਕੋਣ ਸਿਰਫ਼ ਇੱਕ ਕਾਮਯਾਬ ਅਦਾਕਾਰਾ ਹੀ ਨਹੀਂ, ਸਗੋਂ ਆਪਣੇ ਕੰਮ ਲਈ ਪੂਰੀ ਤਰ੍ਹਾਂ ਸਮਰਪਿਤ ਕਲਾਕਾਰ ਵੀ ਹਨ।