ਤਿਉਹਾਰਾਂ ਦੇ ਮੌਸਮ 'ਚ ਰੇਲਵੇ ਦਾ ਤੋਹਫ਼ਾ, ਚੰਡੀਗੜ੍ਹ ਤੋਂ ਬਰੌਨੀ ਵਿਚਕਾਰ ਚੱਲੇਗੀ ਵਿਸ਼ੇਸ਼ ਰੇਲਗੱਡੀ, ਜਾਣੋ ਪੂਰਾ ਸਮਾਂ-ਸਾਰਣੀ

ਜਲੰਧਰ, 10 ਨਵੰਬਰ : ਤਿਉਹਾਰਾਂ ਦੇ ਮੌਸਮ ਦੌਰਾਨ ਰੇਲਗੱਡੀਆਂ ਵਿੱਚ ਵਧਣ ਵਾਲੀ ਯਾਤਰੀਆਂ ਦੀ ਭੀੜ ਨੂੰ ਦੇਖਦਿਆਂ ਉੱਤਰੀ ਰੇਲਵੇ ਨੇ ਚੰਡੀਗੜ੍ਹ ਅਤੇ ਬਰੌਨੀ ਜੰਕਸ਼ਨ ਵਿਚਕਾਰ ਵਿਸ਼ੇਸ਼ ਰਾਖਵੀਂ ਰੇਲਗੱਡੀ ਚਲਾਉਣ ਦਾ ਫ਼ੈਸਲਾ ਕੀਤਾ ਹੈ। ਇਸ ਸਬੰਧੀ ਉੱਤਰੀ ਰੇਲਵੇ ਦੇ ਜਨਸੰਪਰਕ ਵਿਭਾਗ ਵੱਲੋਂ 10 ਨਵੰਬਰ 2026 ਨੂੰ ਜਾਣਕਾਰੀ ਜਾਰੀ ਕੀਤੀ ਗਈ।

ਰੇਲਵੇ ਵੱਲੋਂ ਜਾਰੀ ਵੇਰਵਿਆਂ ਅਨੁਸਾਰ ਰੇਲਗੱਡੀ ਨੰਬਰ 04538 ਚੰਡੀਗੜ੍ਹ ਤੋਂ ਬਰੌਨੀ ਜੰਕਸ਼ਨ ਲਈ ਅਤੇ 04537 ਬਰੌਨੀ ਜੰਕਸ਼ਨ ਤੋਂ ਚੰਡੀਗੜ੍ਹ ਲਈ ਚੱਲੇਗੀ। ਇਸ ਰੇਲਗੱਡੀ ਵਿੱਚ ਏਸੀ, ਸਲੀਪਰ ਅਤੇ ਜਨਰਲ ਸ਼੍ਰੇਣੀ ਦੇ ਡੱਬੇ ਹੋਣਗੇ।

ਚੰਡੀਗੜ੍ਹ ਤੋਂ 10 ਨਵੰਬਰ ਨੂੰ ਹੋਵੇਗੀ ਰਵਾਨਗੀ

ਉੱਤਰੀ ਰੇਲਵੇ ਅਨੁਸਾਰ ਰੇਲਗੱਡੀ ਨੰਬਰ 04538 ਚੰਡੀਗੜ੍ਹ ਤੋਂ 10 ਨਵੰਬਰ 2026 ਨੂੰ ਰਵਾਨਾ ਹੋਵੇਗੀ। ਇਹ ਰੇਲਗੱਡੀ ਰਾਤ 10 ਵਜੇ ਚੰਡੀਗੜ੍ਹ ਰੇਲਵੇ ਸਟੇਸ਼ਨ ਤੋਂ ਚੱਲੇਗੀ ਅਤੇ ਅਗਲੇ ਦਿਨ ਵੱਖ-ਵੱਖ ਸਟੇਸ਼ਨਾਂ ਤੋਂ ਹੁੰਦੀ ਹੋਈ ਬਰੌਨੀ ਜੰਕਸ਼ਨ ਪਹੁੰਚੇਗੀ।

ਵਾਪਸੀ ਵਿੱਚ ਰੇਲਗੱਡੀ ਨੰਬਰ 04537 ਬਰੌਨੀ ਜੰਕਸ਼ਨ ਤੋਂ 12 ਨਵੰਬਰ 2026 ਨੂੰ ਰਵਾਨਾ ਹੋਵੇਗੀ। ਇਸ ਦੀ ਬਰੌਨੀ ਤੋਂ ਰਵਾਨਗੀ ਦਾ ਸਮਾਂ ਸਵੇਰੇ 6:30 ਵਜੇ ਨਿਰਧਾਰਤ ਕੀਤਾ ਗਿਆ ਹੈ।

ਇਨ੍ਹਾਂ ਪ੍ਰਮੁੱਖ ਸਟੇਸ਼ਨਾਂ ‘ਤੇ ਹੋਵੇਗਾ ਠਹਿਰਾਅ

ਚੰਡੀਗੜ੍ਹ ਤੋਂ ਬਰੌਨੀ ਜਾਣ ਵਾਲੀ ਰੇਲਗੱਡੀ ਅੰਬਾਲਾ ਕੈਂਟ, ਯਮੁਨਾਨਗਰ ਜਗਾਧਰੀ, ਸਹਾਰਨਪੁਰ, ਮੁਰਾਦਾਬਾਦ, ਬਰੇਲੀ, ਲਖਨਊ, ਰਾਏਬਰੇਲੀ, ਮਾਂ ਬੇਲ੍ਹਾ ਦੇਵੀ ਧਾਮ ਪ੍ਰਤਾਪਗੜ੍ਹ ਜੰਕਸ਼ਨ, ਵਾਰਾਣਸੀ, ਗਾਜ਼ੀਪੁਰ ਸਿਟੀ, ਬਲੀਆ, ਸੁਰੇਮਨਪੁਰ, ਛਪਰਾ, ਹਾਜੀਪੁਰ ਅਤੇ ਮੁਜ਼ੱਫਰਪੁਰ ਸਮੇਤ ਵੱਖ-ਵੱਖ ਸਟੇਸ਼ਨਾਂ ‘ਤੇ ਰੁਕੇਗੀ।

ਇਸ ਤੋਂ ਬਾਅਦ ਰੇਲਗੱਡੀ ਸਮਸਤੀਪੁਰ ਜੰਕਸ਼ਨ ਤੋਂ ਹੁੰਦੀ ਹੋਈ ਬਰੌਨੀ ਜੰਕਸ਼ਨ ਪਹੁੰਚੇਗੀ। ਵਾਪਸੀ ਦੌਰਾਨ ਵੀ ਇਹ ਰੇਲਗੱਡੀ ਇਨ੍ਹਾਂ ਸਟੇਸ਼ਨਾਂ ‘ਤੇ ਨਿਰਧਾਰਤ ਸਮੇਂ ਅਨੁਸਾਰ ਠਹਿਰੇਗੀ।

ਚੰਡੀਗੜ੍ਹ ਤੋਂ ਬਰੌਨੀ ਤੱਕ ਰੇਲਗੱਡੀ ਦੀ ਸਮਾਂ-ਸਾਰਣੀ

ਰੇਲਵੇ ਵੱਲੋਂ ਜਾਰੀ ਸਮਾਂ-ਸਾਰਣੀ ਅਨੁਸਾਰ ਰੇਲਗੱਡੀ ਨੰਬਰ 04538 ਦੇ ਮੁੱਖ ਸਟੇਸ਼ਨਾਂ ‘ਤੇ ਪਹੁੰਚਣ ਅਤੇ ਰਵਾਨਗੀ ਦਾ ਸਮਾਂ ਇਸ ਤਰ੍ਹਾਂ ਹੈ:
ਚੰਡੀਗੜ੍ਹ: ਰਵਾਨਗੀ ਰਾਤ 10:00 ਵਜੇ।
ਅੰਬਾਲਾ ਕੈਂਟ: ਰਾਤ 11:10 ਵਜੇ ਪਹੁੰਚੇਗੀ ਅਤੇ 11:15 ਵਜੇ ਰਵਾਨਾ ਹੋਵੇਗੀ।
ਯਮੁਨਾਨਗਰ ਜਗਾਧਰੀ: ਰਾਤ 12:02 ਵਜੇ ਪਹੁੰਚੇਗੀ ਅਤੇ 12:04 ਵਜੇ ਰਵਾਨਾ ਹੋਵੇਗੀ।
ਸਹਾਰਨਪੁਰ: ਰਾਤ 1:00 ਵਜੇ ਪਹੁੰਚੇਗੀ ਅਤੇ 1:05 ਵਜੇ ਰਵਾਨਾ ਹੋਵੇਗੀ।
ਮੁਰਾਦਾਬਾਦ: ਸਵੇਰੇ 6:10 ਵਜੇ ਪਹੁੰਚੇਗੀ ਅਤੇ 6:20 ਵਜੇ ਰਵਾਨਾ ਹੋਵੇਗੀ।
ਬਰੇਲੀ: ਸਵੇਰੇ 7:42 ਵਜੇ ਪਹੁੰਚੇਗੀ ਅਤੇ 7:44 ਵਜੇ ਰਵਾਨਾ ਹੋਵੇਗੀ।
ਲਖਨਊ: ਸਵੇਰੇ 11:30 ਵਜੇ ਪਹੁੰਚੇਗੀ ਅਤੇ 11:40 ਵਜੇ ਰਵਾਨਾ ਹੋਵੇਗੀ।
ਰਾਏਬਰੇਲੀ: ਦੁਪਹਿਰ 1:13 ਵਜੇ ਪਹੁੰਚੇਗੀ ਅਤੇ 1:15 ਵਜੇ ਰਵਾਨਾ ਹੋਵੇਗੀ।
ਪ੍ਰਤਾਪਗੜ੍ਹ: ਦੁਪਹਿਰ 2:35 ਵਜੇ ਪਹੁੰਚੇਗੀ ਅਤੇ 2:40 ਵਜੇ ਰਵਾਨਾ ਹੋਵੇਗੀ।
ਵਾਰਾਣਸੀ: ਸ਼ਾਮ 5:20 ਵਜੇ ਪਹੁੰਚੇਗੀ ਅਤੇ 5:30 ਵਜੇ ਰਵਾਨਾ ਹੋਵੇਗੀ।
ਗਾਜ਼ੀਪੁਰ ਸਿਟੀ: ਸ਼ਾਮ 7:10 ਵਜੇ ਪਹੁੰਚੇਗੀ ਅਤੇ 7:15 ਵਜੇ ਰਵਾਨਾ ਹੋਵੇਗੀ।
ਬਲੀਆ: ਰਾਤ 8:13 ਵਜੇ ਪਹੁੰਚੇਗੀ ਅਤੇ 8:15 ਵਜੇ ਰਵਾਨਾ ਹੋਵੇਗੀ।
ਛਪਰਾ: ਰਾਤ 9:50 ਵਜੇ ਪਹੁੰਚੇਗੀ ਅਤੇ 10:00 ਵਜੇ ਰਵਾਨਾ ਹੋਵੇਗੀ।
ਹਾਜੀਪੁਰ: ਰਾਤ 11:45 ਵਜੇ ਪਹੁੰਚੇਗੀ ਅਤੇ 11:50 ਵਜੇ ਰਵਾਨਾ ਹੋਵੇਗੀ।
ਮੁਜ਼ੱਫਰਪੁਰ: ਅਗਲੇ ਦਿਨ ਰਾਤ 1:00 ਵਜੇ ਪਹੁੰਚੇਗੀ ਅਤੇ 1:05 ਵਜੇ ਰਵਾਨਾ ਹੋਵੇਗੀ।
ਸਮਸਤੀਪੁਰ: ਰਾਤ 2:05 ਵਜੇ ਪਹੁੰਚੇਗੀ ਅਤੇ 2:10 ਵਜੇ ਰਵਾਨਾ ਹੋਵੇਗੀ।
ਬਰੌਨੀ ਜੰਕਸ਼ਨ: ਸਵੇਰੇ 3:30 ਵਜੇ ਪਹੁੰਚੇਗੀ।

ਵਾਪਸੀ ਲਈ ਇਹ ਰਹੇਗਾ ਸਮਾਂ

ਰੇਲਗੱਡੀ ਨੰਬਰ 04537 ਬਰੌਨੀ ਜੰਕਸ਼ਨ ਤੋਂ ਸਵੇਰੇ 6:30 ਵਜੇ ਰਵਾਨਾ ਹੋਵੇਗੀ। ਸਮਾਂ-ਸਾਰਣੀ ਅਨੁਸਾਰ ਮੁਜ਼ੱਫਰਪੁਰ ਤੋਂ ਸਵੇਰੇ 9:10 ਵਜੇ, ਸਮਸਤੀਪੁਰ ਤੋਂ ਸਵੇਰੇ 7:50 ਵਜੇ ਅਤੇ ਹਾਜੀਪੁਰ ਤੋਂ ਸਵੇਰੇ 10:30 ਵਜੇ ਇਸ ਦਾ ਠਹਿਰਾਅ ਦਰਜ ਹੈ।

ਅੱਗੇ ਛਪਰਾ ਤੋਂ ਦੁਪਹਿਰ 12:35 ਵਜੇ, ਵਾਰਾਣਸੀ ਤੋਂ ਸ਼ਾਮ 5:35 ਵਜੇ, ਲਖਨਊ ਤੋਂ ਰਾਤ 12:15 ਵਜੇ ਅਤੇ ਮੁਰਾਦਾਬਾਦ ਤੋਂ ਸਵੇਰੇ 6:40 ਵਜੇ ਰੇਲਗੱਡੀ ਦੇ ਪਹੁੰਚਣ ਦਾ ਸਮਾਂ ਦਿੱਤਾ ਗਿਆ ਹੈ।

ਇਹ ਰੇਲਗੱਡੀ 13 ਨਵੰਬਰ ਨੂੰ ਦੁਪਹਿਰ 1:20 ਵਜੇ ਚੰਡੀਗੜ੍ਹ ਪਹੁੰਚੇਗੀ।

ਰੇਲਗੱਡੀ ਦੀ ਜਾਣਕਾਰੀ ਲਈ 139 ‘ਤੇ ਕਰੋ ਸੰਪਰਕ

ਉੱਤਰੀ ਰੇਲਵੇ ਨੇ ਯਾਤਰੀਆਂ ਨੂੰ ਰੇਲਗੱਡੀ ਦੇ ਸਮੇਂ ਅਤੇ ਹੋਰ ਤਾਜ਼ਾ ਜਾਣਕਾਰੀ ਲਈ ਨੈਸ਼ਨਲ ਟ੍ਰੇਨ ਇਨਕੁਆਇਰੀ ਸਿਸਟਮ (NTES) ਦੀ ਵਰਤੋਂ ਕਰਨ ਜਾਂ ਰੇਲਵੇ ਹੈਲਪਲਾਈਨ ਨੰਬਰ 139 ‘ਤੇ ਸੰਪਰਕ ਕਰਨ ਦੀ ਸਲਾਹ ਦਿੱਤੀ ਹੈ।

ਇਸ ਪ੍ਰੈੱਸ ਰਿਲੀਜ਼ ‘ਤੇ ਉੱਤਰੀ ਰੇਲਵੇ ਦੇ ਮੁੱਖ ਲੋਕ ਸੰਪਰਕ ਅਧਿਕਾਰੀ ਹਿਮਾਂਸ਼ੂ ਸ਼ੇਖਰ ਉਪਾਧਿਆਏ ਦੇ ਦਸਤਖ਼ਤ ਹਨ।